Tawo

Ang tawo mao ang espesyal nga linalang sa Dios, gibuhat sa Iyang kaugalingong dagway. Iyang gilalang sila nga lalaki ug babaye ingon nga purongpurong nga buhat sa Iyang paglalang. Busa ang gasa sa pagkababaye maoy bahin sa kaayo sa kabuhatan sa Diyos. Sa sinugdan, ang tawo walay sala ug gitugahan sa iyang Magbubuhat ug kagawasan sa pagpili. Pinaagi sa iyang kagawasan sa pagpili ang tawo nakasala batok sa Dios ug nagdalag sala ngadto sa tawhanong rasa. Pinaagi sa pagtintal ni Satanas ang tawo nakalapas sa sugo sa Dios ug nahulog gikan sa iyang orihinal nga pagkawalay sala diin ang iyang kaliwatan nakapanunod sa usa ka kinaiyahan ug usa ka palibot nga hilig sa sala. Busa, sa diha nga sila makahimo sa moral nga aksyon, sila mahimong mga malapason ug ubos sa pagkahinukman. Ang grasya lamang sa Dios ang makadala sa tawo ngadto sa Iyang balaang panag-uban ug makapahimo sa tawo sa pagtuman sa katuyoan sa paglalang sa Dios. Ang kasagrado sa tawhanon nga personalidad dayag nga gilalang sa Dios ang tawo sa Iyang kaugalingong dagway, ug niana si Kristo namatay alang sa tawo; busa, ang matag tawo sa matag rasa adunay bug-os nga dignidad ug takus sa pagtahod ug Kristohanong gugma.

Genesis 1: 26-30; 2: 5,7,18-22; 3; 9: 6; Mga Salmo 1; 8: 3-6; 32: 1-5; 51: 5; Isaias 6: 5; Mateo 16:26; Mga Rom 1:19-32; 3:10-18,23; 5:6,12,19; 6:6; 7:14-25; 8:14-18,29